Мы используем файлы cookie, чтобы улучшать качество взаимодействия пользователей с нашим сайтом и персонализировать его содержимое. Продолжая использовать наш веб-сайт без изменения настроек, Вы соглашаетесь на использование нами файлов cookie. С дополнительными сведениями о том, как мы используем файлы cookie, можно ознакомиться здесь.

Закрыть

Экскурсия

Есептер

Ауа сапасы

Сайт картасы

Cookie саясаты

ERG Corporate ERG Africa ERG Brazil Сатылым порталы

02 Қыркүйек 2025

Рудный электр станциясы жылыту маусымына дайын

ҚР Ұлттық экономика министрлігі Табиғи монополияларды реттеу комитетінің Қостанай облысы бойынша департаментінің өкілдері Рудный электр станциясына баспасөз турын ұйымдастырды. Бұл нысан – ERG құрамындағы «Соколов-Сарыбай кен-байыту өндірістік бірлестігі» АҚ-ның филиалы. Баспасөз туры кезінде жөндеу және жаңғырту жұмыстары көрсетілді. Бұл станцияның алдағы жылыту маусымына уақтылы және сапалы дайындалуын қамтамасыз етуге мүмкіндік берді.

Пресс-турға Қазақстан Республикасы Ұлттық экономика министрлігі Табиғи монополияларды реттеу комитетінің Қостанай облысы бойынша департаментінің табиғи монополиялар мен бағаларды реттеу бөлімінің басшысы Назым Бақытжанқызы мен бұқаралық ақпарат құралдарының өкілдері қатысты. Жалпы, жөндеу компаниясы туралы кездесу басында электр станциясы операциялық директорының міндетін атқарушы Нұрлан Жағыпаров айтып берді. 2024 жылға бекітілген инвестициялық бағдарламаның сомасы – 962,5 млн. Теңге. Бұл ретте 2024 жылы жылу энергиясын өндіру бойынша қызметтерге жабдыққа күрделі жөндеу жүргізуге нақты шығындар – 1 056 млн. Теңге межесінде болған.

– Ағымдағы жылға бекітілген инвестициялық бағдарламада көзделген инвестициялық салымдардың сомасы – 799 миллион теңгеден асты. Инвестициялық бағдарламаны іске асыру барысында электр станциясында күрделі жөндеу қамында бірінші кезектегі жұмыстарды орындау қажеттілігі туындады. Оларды өткізуден бас тарту реттелетін қызметтерді ұсынудың сенімділігін, үздіксіздігін және сапасын қамтамасыз етуге әсер етуі мүмкін. Осыған байланысты кәсіпорын инвестициялық бағдарламаны түзетуге жалпы соманы өзгертпей, негізгі әрекеттерді нақтылай отырып, өтінім беруді жоспарлап отыр, - деп атап өтті Нұрлан Жағыпаров.

Әрі қарай Нұрлан Жағыпаров станцияны толығымен жаңғыртуға егжей-тегжейлі тоқталды. Ол жазда қазандық пен турбина цехтарында жүргізіліп жатқан жұмыстарға тоқталып, жалпы станция жабдықтарын күрделі жөндеуге тоқталды. Оларды станцияның негізгі және қосалқы жабдықтарында орындамау апат қаупінің өсуіне әкелуі мүмкін, бұл жылыту маусымында Рудный қаласы мен Горняцкий кентінің өмірлік маңызды нысандарына жылу энергиясын жеткізу сапасына теріс әсер етеді. Сондай-ақ, бұл станцияның нормативтік сипаттамаларының, ТӘК төмендеуіне және бу шығару үшін отын шығынының артуына әкеледі, бұл өз кезегінде жылу энергиясын өндірудің экономикалық көрсеткіштеріне әсер етеді. 

Баспасөз туры аясында маңызды жұмыстар жүргізілген екі негізгі нысан көрсетілді.

Біріншісі – №5 ст. ПТВM-100 су жылыту қазаны. Мұнда қалқандарды, коллекторларды, тартып-үрлеу жабдығының конвективті бөлігін, сондай-ақ бекіту арматурасын ауыстыру жұмыстары жүргізілді. Сонымен қатар, қазандық қаңқасының металл құрылымдарына, қаптамаға және түтін соратын жабдыққа жөндеу жүргізілген. Бұл қазанның сенімділігі мен тиімділігін арттыруды қамтамасыз етті.

Екіншісі – станциядағы өрт-ауыз су құбырының жеткізу учаскесін ауыстыру. Ұзындығы 96 метр болатын бұл учаскеде ақаулы құбыр ауыстырылды. Содан кейін гидравликалық сынақтар жүргізіліп, жылу оқшаулағышы қалпына келтірілген. Бұл сумен жабдықтау жүйесінің пайдалану сипаттамаларын жақсартты.

Электр станциясын қайта құру бағытында ERG ұзақ мерзімді стратегиялық жоспарын енгізу толық көлемде жалғасуда. Бұл жоба айтарлықтай қаржылық инвестицияларды қажет етеді. Компания үшін де, ССКӨБ үшін де қала тұрғындарын қыс мезгілінде тұрақты және сапалы жылытумен қамтамасыз ету өте маңызды. Бұл негізгі басымдықтардың бірі болып қала береді.

ERG-дің тыныс-тіршілігі жайлыа толымды ақпарат  ресми телеграм-арнамызда