2019 жылдан бері қала тұрғындарын абаттандыруға тартуға және бірлескен белсенділік төңірегінде бірігуге бағытталған Tugan Qala жобасы іске асырылып келеді. Ол қала тұрғындарының бастамасы мен өз қаласы үшін жауапкершілігін арттыруға бағытталған. ERG қала тұрғындарын оқытуды және жобаларды іске асыруды да өз мойнына алады. Tugan Qala Хромтау, Ақсу және Рудный моноқалаларында, сондай-ақ Қашар және Октябрьск кенттерінде іске асырылады. Жобаларға дауыс беруге қала тұрғындарының 4-тен 10%-ына дейін тартылады. 97 жоба іске асырылды – бұл балалар мен спорттық аула алаңдары, ескерткіштер, муралдар, жергілікті қоғамдастықтарға арналған жабдықтар – қайық станциялары мен скалодромдар. Іске асыруға бөлінген қаражаттың көлемі – 690 млн теңгеден астам.

Бұл қарапайым қала тұрғындары қала бюджетінің есебінен өз қаласын жақсартуды үйренетін мектеп. Бір ҚАДАМДА абаттандыру жөніндегі идеяны шындыққа айналдыруға, ойын алаңын, спорт алаңын, демалыс аймағын және т.б. салуға болады. ERG қала тұрғындарына жобаны іске асыруға дейін қалай жеткізу керектігі туралы білім береді, ал әкімдік жобаларды іске асырады. Барлық объектілер «Халық қатысатын бюджет» мемлекеттік бағдарламасы аясында іске асырылады. 2021 жылдан бері 196 оқушы оқытылды. Географиясы: Ақсу, Ақтөбе, Лисаков, Павлодар, Рудный, Екібастұз.

Eurasian Resources Group өзі жұмыс істейтін өңірлерде шағын және орта бизнесті дамытуды қолдайды. Осы мақсатта Ақтөбе облысы әкімдігінің, «Даму» кәсіпкерлікті дамыту қоры» АҚ мен «Атамекен» ҚР Ұлттық кәсіпкерлер палатасының қолдауымен «Өркен» бағдарламасы құрылды. Хромтау қаласында шағын және орта бизнесті қолдау мен дамыту жөніндегі бағдарлама инвестицияларға - 5 жылдан аспайтын, айналым қаражатын толықтыруға 3 жылдан аспайтын кредит беру мерзіміне 30 млн теңгеге дейін қарыз алу мүмкіндігін көздейді. Сыйақы мөлшерлемесі - 3%.

Әлеуметтік жобалардың бірі - TOM: Kazakhstan, онда 72 сағаттық үздіксіз жұмыс бойында жастар - өнертапқыштар (студенттер, мектеп оқушылары, оқытушылар) мүмкіндігі шектеулі адамдар үшін тұрмысты жеңілдету немесе оңалту үшін бұйымдар жасайды. Мейкатондар 2017 жылдан бастап жылына екі рет Қазақстанның әртүрлі қалаларында: Қарағандыда, Павлодарда, Ақтауда, Шымкентте, Алматыда, Астанада өткізіледі. Осы уақыт ішінде оларға 500-ден астам адам қатысты, 90-нан астам өнертабыс әзірленді. Жоба ҚР-дағы Тель-Авив университеті (ТАУ) Достар қауымдастығының Президенті, бизнесмен және меценат – Александр Антонович Машкевичтің, сондай-ақ әкімдіктер мен елдің жоғары оқу орындарының қолдауымен іске асырылады.

Алты жылдан астам уақыт бойы «MOMENTUM: ХХІ ғасырдың дағдыларын дамыту» жобасы іске асырылып келеді. Курс барысында мектеп оқушылары маркетинг, өзін-өзі таныстыру, шешендік өнер, бизнес-модель бойынша білім алады. Бұл білімнің барлығы балаларға кәсіпкерлік ойлауды дамытуға және ересек өмірде бәсекелестік артықшылыққа ие болуға көмектеседі. 21 топ оқытылды, 511 жасөспірім қатысты. Географиясы: Павлодар, Ақсу, Екібастұз, Хромтау, Рудный, Ақтөбе, Астана, Қарағанды, Семей.

ERG мен оқу орындарының күш-жігерін шоғырландыру үшін 2022 жылы Колледждер мен ERG альянсы құрылды. Одаққа Павлодар, Ақтөбе, Қостанай облыстарынан 14 техникалық және кәсіптік білім беру ұйымы мен ERG кірді. Альянстың негізгі міндеттерінің қатарында: - кәсіптік, техникалық, орта білімнен кейінгі білімнің білім беру бағдарламаларын, оның ішінде Қазақстанның тау-кен металлургия саласының колледж түлектерінің жоғары кәсіби дағдыларына деген қажеттілігін ескере отырып жетілдіру; - колледждердің салалық оқу-әдістемелік орталығын құру және дамыту; - колледждердің басшылары мен оқытушылары үшін көшбасшылық бағдарламаларды әзірлеу және іске асыру; - қазақстандық ERG компанияларының жоғары кәсіби, бастамашыл қызметкерлерінен тәлімгерлер пулын құру.

Жоба Қазақстандағы студенттер мен жастар арасында кәсіпкерлік дағдылар мен құзыреттерді дамыту үшін жағдай жасауға бағытталған. Бағдарламаның миссиясы өңірлік университеттерді кәсіпкерлік хабтар етіп трансформациялау, сондай-ақ студенттік және жастар кәсіпкерлігін ынталандыру болып табылады, бұл өңірлердегі шағын және орта бизнес (ШОБ) объектілері санының ұлғаюына ықпал етуі мүмкін. 2017 жылдан бері жобаға профессор-оқытушылар құрамының 1000-нан астам өкілі және 10 000 мыңнан астам студент қатысты.

Балалар үйлері мен білім беру мекемелерін қолдау. Компания туған қалаларындағы жоғары оқу орындарына, колледждерге, мектептер мен балабақшаларға үнемі көмек көрсетеді, соңғы 10 жылда $9,2 млн бағытталды. Спорттық жобаларды қолдау, олардың арасында волейбол, велоспорт, футбол, триатлон, теннис, шахмат және т.б. бар, сондай-ақ ДСК-лерді, бассейндерді, мұз ареналарын, веложолдарды, спорт алаңдарын салу. Сонымен қатар, компания мектептер мен балабақшаларды салады, оқу орындарында STEM-зертханаларды жарақтандырумен айналысады.

ERG мәдени жобаларды қолдайды, олардың арасында «Астана Опера» мемлекеттік опера және балет театрын салу, Астана қаласында Ботаникалық бақ пен Екібастұз қаласында балалар музыка мектебін салу, Қостанай қаласында Ұлттық мәдени орталықты салу, кітаптарды басып шығару, Түркістан қаласында «Күлтөбе қалашығы» жобасы шеңберінде тарихи объектілерді қалпына келтіру бар. Сонымен қатар, компания рухани конфессиялардың дамуына, шіркеулер мен мешіттер, синагогалар салуға үлес қосады.

Жедел медициналық жәрдем үшін санитариялық автокөлік пен арнайы жабдықтарды денсаулық сақтау объектілеріне өтеусіз беру арқылы медициналық мекемелерді қолдау; емханаларды ашу үшін демеушілік көмек; дәрігерлік-амбулаториялық орталықтарды салу, санаторийлік-курорттық емдеуді дамытуға қаражат бөлу.

2006 жылы ERG өз қызметкерлері үшін бұрын-соңды болмаған Тұрғын үй бағдарламасын іске қосты. Осы уақыт ішінде Тұрғын үй бағдарламасы шеңберінде Ақтөбе (Ақтөбе, Хромтау), Қарағанды (Қарағанды), Қостанай (Рудный, Лисаков) және Павлодар (Павлодар, Ақсу, Екібастұз) облыстарындағы Топ кәсіпорындары жұмыскерлерінің 3 845-тен астам отбасысы өздерінің тұрғын үй жағдайларын жақсартты. ERG іске асырған Тұрғын үй бағдарламасы — Қазақстандағы ең ірі бағдарламалардың бірі. 2025 жылдың соңына дейін шамамен 55 мың м² тұрғын үй салу жоспарлануда. Жұмыскерлердің нарықтағы бастапқы немесе қайталама пәтерлерді таңдауы бойынша тұрғын үй бағдарламасының бағыты қосымша дамытылып жатыр. Мемлекеттік бағдарламалар (Бақытты отбасы, Шаңырақ) бойынша конкурста мақұлдау алған әлеуметтік жағынан осал жұмыскерлерге (көпбалалы, толық емес отбасылар және ерекше баласы бар отбасылар) тұрғын үй құнының 10%-ы мөлшерінде қажетті бастапқы жарна беріледі.