Біздің жаңалықтарымызға жазылыңыз



Біз сайтымызды пайдаланушылармен өзара әріптестіктің сапасын жақсартып, оның мазмұнын дербес ету үшін cookie файлдарын пайдаланамыз. Біздің веб-сайттың баптауларын өзгеріссіз пайдалана отырып, Сіз біздің cookie файлдарын пайдалануымызға келісім бересіз. Осы cookie файлдарын біз қалай пайдаланатынымыз туралы қосымша ақпаратты мына жерден табасыз.

«Қазақстан Алюминийі» АҚ кеншілері әктастың 95 миллионыншы тоннасын өндірді

06.06.2019
«Қазақстан Алюминийі» АҚ кеншілері әктастың 95 миллионыншы тоннасын өндірді

Кеншілер кезекті жетістікті Еуразиялық Топтың 25-жылдығына арнап отыр.  

Маңызды өндірістік оқиға тәжірибелі машинистер Ғалы Құрманғалиев, Балтабай Усаналиев және машинистің көмекшісі Қабиболла Дүйсеновтың басшылығымен №4-ші ЭКГ-5А экскаватор экипажы ауысымы кезінде болды.

- Әктастың 95 миллионыншы тоннасын өндіру – бұл кеншілердің Павлодар өңірінің тау-кен саласын дамытуға қосқан орасан зор үлесі, - дейді «Қазақстан Алюминийі» АҚ филиалы -  «Керегетас» әктас кенішінің директоры Руслан Кудаймберлин. – Керегетас әктас кенішінің еңбеккерлері алға қойылған өндірістік міндеттерді жоғары деңгейде орындай отырып, өз тұтынушыларын шикізатпен тұрақты түрде қамтамасыз етіп келді.  2019 жылдың мамыр айында кеніштегі дайын өнімді тиеу учаскесіндегі №5 галерияны қайта жөндеу жұмыстары аяқталды. Өндіріс өнімділігін арттыруда кәсіпорында инвестбағдарлама негізінде жүзеге асырылып жатқан, қолданыстағы құрал-жабдықтар паркін жаңартудың да маңызы зор.

Биылғы жылдың басынан бері кеніште 45 тоннаға дейін жүк көтеруге қауқарлы «БелАЗ-75473» маркалы екі карьерлік самосвал көлігі қолданысқа берілді. 2024 жылға дейінгі ұзақ мерзімді бағдарлама негізінде тағы осындай төрт ауыр жүк көлігін сатып алу жоспарланып отыр. Бұл автомобильдер – тау-кен өндірісінде ерекше сұранысқа ие.

«Керегетас» әктас кеніші 1966 жылы іске қосылды. Өнімнің негізгі бөлігі Павлодар алюминий зауытына жөнелтіледі. Кеніш тұтынушыларының қатарында – Еуразиялық Топ құрамындағы «Қазхром» ТҰК АҚ, Павлодар облысындағы өзге де кәсіпорындар бар.  Кен орны Қазақстан аумағында болашағы зор деп танылады. «Керегетас» кенішінің өндірістік қуаттылығы – жылына 2 млн тонна әктас өндіру.  

Жаңалықтармен бөлісіңіз: