Басшылық

Константин Семенович Карабаджак

Бас директордың стратегия мен трансформация жөніндегі орынбасары

Константин Карабаджак әуелден экономикалық білім алып, кейін «Мұнай-газ өндірісі» мамандығы бойынша қайта даярлықтан өткен. Әлемнің жетекші бизнес-мектептерінің бірі – Kellogg School of Management, Northwestern University-ден (АҚШ) MBA дәрежесін алып, Гарвард университетінде (АҚШ) топ-менеджерлерге арналған дайындық курсын тәмамдаған.

2022 жылдың соңында Еуразиялық Топ қатарына қосылғанға дейін соңғы 12 жыл бойы ол «Газпром нефть» ЖАҚ-ның бірлескен кәсіпорындарында жетекші қызметтер атқарған. Атап айтқанда Константин «Газпром нефть»-тің англо-голландтық Shell-мен бірлескен кәсіпорына жетекшілік етті. Одан бөлек, Біріккен Араб Әмірліктеріндегі Mubadala Energy-мен бірлескен кәсіпорынды басқарды. Оған дейін «Газпром нефть» ЖАҚ-ның ресей және еуропалық серіктестерімен бірлескен өзге де кәсіпорындарында қаржы директоры қызметтерін атқарған. Бұдан ертеректе жетекші халықаралық McKinsey & Company стратегиялық консалтинг компаниясының консультанты әрі жоба жетекшісі болып еңбек етті.

Константин Карабаджак табысты трансформация мен бизнесті дамыту саласында тәжірибесі толысқан маман. Ол бизнестің өсімі мен процестердің тиімділігін арттыру, цифрландыру мен персоналды дамыту салаларындағы озық тәжірибелерді енгізуге ерекше көңіл бөледі.

Компанияда Константина Карабаджак стратегиялық жоспарлау, бизнесті дамыту, компанияларды біріктіру мен қосу, трансформацияны басқаруға жауапты.

Руслан Усенович Мулюкбаев

Бас директордың сатып алулар мен логистика жөніндегі орынбасары

Руслан Мулюкбаев Топтың сатып алулар саласындағы тәжірибесі 15 жылдан асты. Кәсіпорындардың сатып алу қызметіне қажетті әдістемені әзірлеу мен жаңа IT-шешімдерді енгізу ісін жауаптанған.

РФ Қорғаныс министрлігі әскери университетінің заң факультеті мен С.Торайғыров атындағы ПМУ-ды «қаржы және кредит» мамандығы бойынша тәмамдаған. Еуразиялық Топ құрылымдарындағы қызметін «Қазақстан алюминийі» АҚ-нда заң кеңесшісі болып бастап, «ERG-дің Коммерция орталығы» ЖШС-ның Бас директоры қызметіне дейін өскен.

Әр жылдары шикізатпен, материалдар және жабдықтармен қамдау бөлімінің бастығы, орталықтандырылған сатып алулар департаментінің директоры, сатып алулардың әдістемесі мен контроллинг жөніндегі басқарушы директор, ERG Capital Projects-тің Бас директоры және «Еуразиялық Топ» ЖШС Бас директорының бірінші орынбасары қызметтерін атқарды.

2021 жылдан бастап Руслан Мулюкбаев Топтың сатып алулар саласындағы коммерциялық қызметке жетекшілік етіп келді.

Йохен Бербнер

Бас директордың технология және операциялық қызмет жөніндегі орынбасары

Йохен Бербнер Карлсруэ техникалық университетінің өнеркәсіптік инженерия факультетін және АҚШ-тың Беркли қаласындағы Калифорния университетін тәмамдаған. Фонтенбло қаласындағы (Франция) INSEAD бизнес мектебінен MBA дәрежесін алған.

Ол ұзақ жылдары бойы McKinsey компаниясының Еуропа, Ресей мен Қазақстандағы кеңселерінде еңбек етті. Соңғы алты жыл бойы компанияның қазақстандық кеңсесіне жетекшілік етіп, металлургиялық және тау-кен компанияларына, соның ішінде ERG-ге де консультациялық кеңес қызметтерін ұсынып келген. Осы аралықта ол шикізатты өндіру мен өңдеу, еңбек өнімділігі мен операциялық тиімділікті арттыруға бағытталған, өндіріс пен техникалық қызмет көрсетуді жақсарту, ұйымдастырушылық және мәдени өзгерістерді енгізу сынды алуан түрлі ауқымды жобаларды жауаптанды.

Йохен Бербнер кешенді көпжылдық трансформация бағдарламаларын іске асыру, өндірісті тұсап тұрған тар тұстарды кеңіту, процестерді жетілдіру, ауқымды жобаларды талдау мен өндірістің тиімділігін басқару ісінде мол тәжірибе жинақтаған.

Ардақ Мейірханұлы Нұразханов

Бас директордың жобалар және даму жөніндегі орынбасары

Ардақ Нұразханов Д.Серікбаев атындағы Шығыс Қазақстан техникалық университетінің кәсіпорындардағы экономика мен менеджмент факультетін «инженер-экономист-менеджер» мамандығы бойынша тәмамдаған. Кейін «Болашақ» бағдарламасымен АҚШ-та Джордж Вашингтон атындағы университеттен магистр дәрежесін алды.

Еуразиялық Топ ұжымына қосылғанға дейін халықаралық McKinsey & Company компаниясының серіктесі болып еңбек еткен. Онда 7 жыл басқарудағы консалтинг саласындағы тәжірибесін толықтырды. Ал, 2014 жылға дейін тау-кен және металлургия өнеркәсібінде («Казцинк» АҚ жобалық басқару), мұнай-газ өнеркәсібінде («Каспиан Оффшор Констракшн» ЖШС Солтүстік Каспийдегі шельф кенорындарындағы құрылыс пен оларды пайдалану ісін теңізден қолдау) еңбек етіп, жоба жетекшісінен бастап компанияның Бас директоры қызметіне дейін өрлеген.

Еуразиялық Топ командасына ол 2021 жылдың қазан айында «ERG Capital Projects» ЖШС Бас директоры қызметіне шақырылып, ауқымды құрылыстар бағытындағы ірі жобаларды жүзеге асыру мен функционалдық орталықты дамыту ісін жауаптанды.

2023 жылдың қаңтарында Бас директордың жобалар және даму жөніндегі орынбасары қызметіне тағайындалды және қосымша «ERG Exploration» мен жаңа дамыту жобаларын жауаптанады.

Ғазиз Сәбитұлы Ибраев

Бас директордың корпоративтік мәселелер жөніндегі орынбасары

Ғазиз Ибраев Қазақ мемлекеттік заң академиясын "Заңтану" мамандығы бойынша аяқтады, Oxford Brookes University құқық магистрі дәрежесін "Халықаралық құқық" мамандығы бойынша алды.

2002 жылдан 2003 жылға дейін "Эрнст энд Янг" ЖШС заңгер-кеңесшісі болып жұмыс істеді.

2003-2005 жылдары "Саланс" ЖШС заңгер болған.

2005-2014 жылдары-Норт Каспиан Оперейтинг Компани (НКОК) компаниясында заң мәселелері жөніндегі кеңесші, аға кеңесші.

2014 жылдан 2016 жылға дейін "Кар-Тел" ЖШС заң департаментін басқарды ("Beeline"сауда маркасы).

2016-2017 жылдары - "Лански, Ганцгер и Партнеры Казахстан" ЖШС кеңсесінің басшысы.

Еуразиялық Топқа 2017 жылғы тамызда Халықаралық құқық департаментінің директоры және М&А қызметіне келді.

Ақмарал Серікқызы Найзабекова

Бас директордың персонал және мәдениет жөніндегі орынбасары

Қарағанды мемлекеттік университетін «Құқықтану» және РФ Президенті жанындағы Ресей халық шаруашылығы және Мемлекеттік қызмет академиясын, Мәскеу бизнес мектебін, MBA дәрежесін бітірген. Kingston University (UK) Халықаралық адам ресурстарын басқару магистрі дәрежесін алған. Персоналды басқару саласында халықаралық кәсіби сертификатқа (CIPD), ICF « халықаралық сертификатына; «Кәсіби коуч» Prosci өзгерістерді басқару саласында сертификаттауға (CCMP) ие.

Корпоративтік басқару және HR саласында 17 жылдан астам жұмыс тәжірибесі бар, «Самұрық-Қазына» АҚ компаниялар тобында және консалтингтік ұйымдарда 12 жылдан астам басшылық өтілі бар.

Еуразиялық топқа 2021 жылғы ақпанда Қазақстан өңірінің персонал және әлеуметтік мәселелер жөніндегі операциялық директоры ретінде қосылды.

Данияр Равшанұлы Рахматуллаев

Бас директордың қаржы жөніндегі орынбасары

Новосібір мемлекеттік университетін «Математика» мамандығы бойынша бітірді. «Болашақ» бағдарламасының стипендиаты, Temple University-ді «Экономика магистрі» дәрежесімен аяқтады. Кәсіби бухгалтерлердің халықаралық сертификатын (САР) иеленді.

«Қаз-Транс-Газ-Алматы» АҚ компаниясында менеджер лауазымынан экономика және қаржы департаментінің директоры лауазымына дейін еңбек жолын өтті.

Еуразиялық Топқа 2014 жылы бюджеттендіру және экономикалық талдау бөлімінің бастығы ретінде қосылды. Соңғы үш жылдың ішінде ERG Тобының қаржылық жоспарлау және талдау департаментінің директоры лауазымын атқарып келді.